Në Spanjë ka 50 universitete publike dhe 29 private. Mësimdhënia në to fokusohet në inovacion dhe edukim praktik. Ka mundësi për t’u regjistruar në bachelor dhe master, të cilat kryhen tërësisht në gjuhën angleze, në universitete private dhe shtetërore. Studimet bazë zgjasin 4 vjet, kurse masteri nga 1 deri në 2 vjet.

Tarifa mesatare e shkollimit për një vit të studimeve bazë në universitetet publike në Spanjë varion nga 750 deri në 2100 euro dhe përcaktohet nga secili rajon autonom. Për studimet master dhe doktoraturë, diapazoni i çmimeve varion nga 900 deri në 3300 euro në vit. Studimet më të shtrenjta janë në fushën e mjekësisë dhe inxhinierisë. Në universitetet private tarifat e shkollimit variojnë nga 5200 deri në 12900 euro në vit për studimet bazë dhe për master apo doktoraturë mund të arrijnë deri në 20000 euro në vit. Disa universitete spanjolle ofrojnë bursa të ndryshme bazuar në performancën akademike ose të ardhurat e prindërve.

Opsionet më të njohura të akomodimit për studentët ndërkombëtarë në Spanjë janë konviktet studentor ose akomodimi privat. Cmimet ndryshojnë shumë në varësi të zonës, llojit të dhomës, madhësisë së dhomës dhe kostove të tjera shtesë. Sipas një studimi të fundit të 86 shtëpive në 17 qytete kryesore të rajoneve autonome të Spanjës, çmimi mesatar i një dhome private me ushqim të plotë dhe shërbime të përfshira është mesatarisht 900 euro. Opsionet më të shtrenjta janë në Madrid dhe Barcelona, dhe më të lira nga 350 euro në muaj e lart. Qiraja e apartamenteve është nga 450 deri në 700 euro, ndërsa në qytetet më të mëdha mund të arrijë në 1200 euro në muaj.